Ulbmilin vuoiggalaš ja buorre hálddahus

Riikkabeivviid vuoigatvuođaáššeolmmoš gohcá virgeoapmahaččaid doaibmama lágalašvuođa. Virgeoapmahaččaid lassin son gohcá maiddái earáid, geat dikšot almmolaš barggu.

Riikkabeaivvit válljejit vuoigatvuođaáššeolbmo ja veahkkevuoigatvuođaáššeolbmuid njealji jahkái hávil. Sii dikšot bargguset bealeheamet ja riikkabeivviin sorjjasmeahttumit.

Vuoigatvuođaáššeolmmoš raportere barggustis riikkabeivviide jahkásaččat doaibmačilgehusastis ja dárbbu mielde sierračilgehusain.

Riikkabeivviid dálá vuoigatvuođaáššeolmmoš lea juridihka doavttir, várreduopmár Petri Jääskeläinen. Veahkkevuoigatvuođaáššeolmmoš lea Jussi Pajuoja ja nubbi veahkkevuoigatvuođaáššeolmmoš Maija Sakslin.

Váidda vuoigatvuođaáššeolbmui

Riikkabeivviid vuoigatvuođaáššeolbmo beallái sáhttá jorgalit, go eahpida, ahte virgeoapmahaš dahje virgeolmmoš ii leat čuvvon lága dahje deavdán geatnegasvuođaidis.

Vuoigatvuođaáššeolbmui sáhttá váidit gii beare. Váidaga sáhttá bargat iežas guoski áššis, muhto váidit sáhttá maiddái nuppi bealis dahje ovttas earáiguin. Váidaga dutkan lea nuvttá.


->Váidda riikkabeivviid vuoigatvuođaáššeolbmui



Olmoošvuoigâtvuođâairâskode jesânij nomâttem (Inarin saame)

Ooumažvuõiggâdvuõttväʹldduumkååʹdd vuäzzlai nõõmtummuš (Koltan saame)


Olmmošvuoigatvuođasáttagotti lahtuid nammadeapmi (Pohjoissaame)