Puáhtá-uv riehtiäššiolmooš išediđ?

Tun puávtáh pivdeđ iše riehtiäššiulmust,

• jis epidah, et virgeomâhâš tâi virgeolmooš ij lah nuávdittâm laavâ
• jis virgeomâhâš tâi virgeolmooš ij lah porgâm pargoos olmânáál
• jis virgeomâhâš lii kohtâlâm tuu puástud
• jis vuáđu- já olmoošvuoigâdvuođah iä lah olášum.

Talle tun puávtáh kuoddâliđ ääšist riehtiäššiulmui.
Tun puávtáh muštâliđ, et mii lii tábáhtum já mondiet tot lii tuu mielâst puástud.

Riehtiäššiolmooš kocá lavâlâšvuođâ

Ovdâskode riehtiäššiolmooš kocá virgeomâhái já virgeulmui pargo já tooimâid.

Virgeomâhááh já virgeulmuuh kalgeh

• porgâđ pargoos olmânáál
• nuávdittiđ pargoost laavâ
• tevdiđ kenigâsvuođâidis.

Virgeomâhâš puáhtá leđe virgádâh tâi lágádâs

Virgeomâhááh láá ovdâmerkkân viärutoimâttuvah, kieldâi virgáduvah já tiervâsvuotâkuávdááh.
Virgeulmuuh láá ovdâmerkkân pooliseh, máttáátteijeeh vuáđuškoovlâst tâi tuáhtáreh tiervâsvuotâkuávdáást.

Riehtiäššiolmooš čuávu eromâšávt tom, et aalmugjesânij vuáđuvuoigâdvuođah já olmoošvuoigâdvuođah olášuveh.