Riehtiäššiolmooš totká kuoddâlmijd, moh sunjin puátih.
Riehtiäššiolmooš puáhtá meid tutkâđ monnii puástuääši
mon sun lii jieš huámášâm.
Puástuäšši uáivild ääši, mii lii monnii náál
epivuoigâlâš tâi puástud.

Riehtiäššiolmooš taha meid täärhistmijd

Riehtiäššiolmooš taha täärhistmijd toppum lájádâssáid, suátivievâ juávkku-uásáduvváid já virgáduvváid.
Riehtiäššiulmui puátih
ivveest maŋgâ tuhháát kuoddâlem.

Toppum lájádâs uáivild saje,
kost ij peesâ olgos, veikkâ halijdičij.
Tagareh láá ovdâmerkkân faŋgâleh já párnáipääihih.

Täärhistmij ääigi lájádâsâi ässeeh já pargeeh
pyehtih savâstâllâđ riehtiäššiulmuin.
Riehtiäššiolmooš ij muštâl iärásáid,
mii sunjin lii muštâlum.

Riehtiäššiulmuu kanslia olášut
jyehi ive paijeel 100 täärhistmid.

Ovdâskodde väljee riehtiäššiulmuid

Suomâst lii ohtâ riehtiäššiolmooš
já kyehti išeriehtiäššiulmuu.

Sij pargeh siämmáá pargo já 
pargeh jiečânávt.
Sist puohâin láá siämmááh vuoigâdvuođah
já valduuttâsah porgâđ pargoos.
Valduuttâsah já vuoigâdvuođah láá muštâlum laavâst.

Riehtiäššiulmuu já išeriehtiäššiulmuid
väljee ovdâskodde.
Sij pargeh pargoos nelji ive häävild.

Riehtiäššiolmooš muštâl ovdâskoodán jyehi ive,
et maggaar pargo sun lii porgâm.
Sun olgosaddel pargoost kirje, ihemuštâlus.