Ko riehtiäššiolmooš totká kuoddâlmijd, te sun kiäččá meid, et lii-uv haldâšemvyehi lamaš pyeri.
Šiev haldâšemvyehi lii jyehi ulmuu vuáđuvuoigâdvuotâ.
Puoh ulmuin lii vuoigâdvuotâ väldiđ vuástá šiev haldâšemvyevi.

Mii kulá šiev haldâšemvuáhán?

Šiev haldâšemvuáhán kulá tot, et virgeomâhááh kohtâleh puoh ulmuid vuoigâdvuođâlávt.
Virgeomâhááh kalgeh leđe pelettemeh.
Virgeomâhááh kalgeh meid porgâđ pargoos huolâlávt já olmânáál, ige pargo uážu pišteđ liijkás kuhháá.

Šiev haldâšemvuáhán kulá meid tot, et virgeomâhááh västideh ulmui ášálijd koččâmuššáid.
Virgeomâhááh koijâdeh tuu uáivil talle, ko äšši kuáská tunjin olssâd.

Virgeomâhááh tipteh äššigâs sárnuđ jieijâs eenikielâ.
Virgeomâhááh meid muštâleh suujâid, moi vuáđuld sij láá toohâm miärádâsâs.
Virgeomâhááh meid muštâleh, mondiet sij láá toohâm miärádâsâs.
Haldâttâhlaahâ muštâl lase šiev haldâšemvyevist.