Sáhttágo vuoigatvuođaáššeolmmoš veahkehit?

Sáhtát bivdit veahki vuoigatvuođaáššeolbmos,

• juos eahpidat, ahte virgeoapmahaš dahje virgeolmmoš ii leat čuvvon lága
• juos virgeoapmahaš dahje virgeolmmoš ii leat dahkan barggus riekta
• juos virgeoapmahaš lea meannudan duinna boastut
• juos vuođđo- ja olmmošvuoigatvuođat eai leat ollašuvvan.

Dalle sáhtát dahkat áššis guoddaleami vuoigatvuođaáššeolbmui.
Sáhtát muitalit, mii lea dáhpáhuvvan ja manne dat lea du mielas boastut.

Vuoigatvuođaáššeolmmoš bearráigeahččá lágalašvuođa

Riikkabeivviid vuoigatvuođaáššeolmmoš bearráigeahččá virgeoapmahaččaid ja vuoigatvuođaáššeolmmoš bearráigeahččá virgeoapmahaččaid ja virgeolbmuid barggu ja doaibmama.
 
Virgeoapmahaččat ja virgeolbmot galget

• dahkat bargguset riekta
• čuovvut barggusteaset lága
• deavdit geatnegasvuođaideaset.

Virgeoapmahaš sáhttá leat virgedoaimmahat dahje lágádus

Virgeoapmahaččat leat ovdamearkka dihtii vearrodoaimmahagat, gielddaid virgedoaimmahagat ja dearvvašvuođaguovddážat.
Virgeolbmot leat ovdamearkka dihtii bolesat, oahpaheaddjit vuođđoskuvllas dahje doaktárat dearvvašvuođaguovddážis.

Vuoigatvuođaáššeolmmoš čuovvu erenomážit, ahte riikkavuložiid vuođđovuoigatvuođat ja olmmošvuoigatvuođat ollašuvvet.