Vuoigatvuođaáššeolmmoš dutká guoddalemiid, mat sutnje bohtet.
Vuoigatvuođaáššeolmmoš sáhttá maiddái dutkat vigi,
man son lea ieš fuobmán.
Vihki mearkkaša ášši, mii lea man nu láhkai
eahpevuoiggalaš dahje boastut.

Vuoigatvuođaáššeolmmoš dahká maiddái dárkkástusaid

Vuoigatvuođaáššeolmmoš dahká dárkkástusaid giddejuvvon lágádusaide, fáktagottiide ja virgedoaimmahagaide.
Vuoigatvuođaáššeolbmui bohtet
jagis máŋga duhát guoddaleami.

Giddejuvvon lágádus mearkkaša báikki,
gos ii beasa eret, vaikko háliidivččii.
Dakkárat leat ovdamearkka dihtii fáŋgalat ja mánáidruovttut.

Dárkkástusain lágádusaid ássit ja bargit
sáhttet ságastallat vuoigatvuođaáššeolbmuin.
Vuoigatvuođaáššeolmmoš ii muital earáide,
mii sutnje lea muitaluvvon.

Vuoigatvuođaáššeolbmo kansliija dahká
jahkásaččat badjel 100 dárkkástusa.

Riikkabeaivvit válljejit vuoigatvuođaáššeolbmuid

Suomas lea okta vuoigatvuođaáššeolmmoš
ja guokte veahkkevuoigatvuođaáššeolbmo.

Sii dahket seammá barggu ja
barget iehčanassii.
Sis buohkain leat seammá vuoigatvuođat
ja fápmudusat dahkat bargguset.
Fápmudusat ja geatnegasvuođat leat muitaluvvon lágas.

Vuoigatvuođaáššeolbmo ja veahkkevuoigatvuođaáššeolbmuid
válljejit riikkabeaivvit.
Sii dahket bargguset njeallje jagi hávális.

Vuoigatvuođaáššeolmmoš muitala riikkabeivviide juohke jagi,
makkár barggu son lea bargan.
Son almmustahttá barggustis girjji, jahkemuitalusa.