Go vuoigatvuođaáššeolmmoš dutká guoddalemiid, son geahččá maiddái, leago hálddahus leamaš buorre.
Buorre hálddahus lea juohke olbmo vuođđovuoigatvuohta.
Buot olbmuin lea vuoigatvuohta oažžut buori hálddahusa.

Mii gullá buori hálddahussii?

Buori hálddahussii gullá, ahte virgeoapmahaččat meannudit buot olbmuiguin vuoiggalaččat.
Virgeoapmahaččat galget leat bealeheamet.
Virgeoapmahaččat galget maiddái dahkat bargguset fuolalaččat ja riekta, iige bargu oaččo bistit menddo guhká.

Buori hálddahussii gullá maiddái, ahte virgeoapmahaččat vástidit olbmuid áššálaš gažaldagaide.
Virgeoapmahaččat jerret man oaivilis don leat dalle, go ášši guoská dutnje alccet.

Virgeoapmahaččat diktet áššehasa hállat iežas eatnigiela.
Virgeoapmahaččat maiddái muitalit ákkaid, maid vuođul sii leat dahkan mearrádusaset. 
Virgeoapmahaččat maiddái muitalit, manne sii leat dahkan mearrádusaset.
Hálddahusláhka muitala buori hálddahusas.