Vuäitt-a vuõiggâdvuõttäʹššooumaž vieʹǩǩted?

Vuäitak raukkâd vieʹǩǩ vuõiggâdvuõttäʹššoummust,

• jõs kääddak, što veʹrǧǧneǩ leʹbe veʹrǧǧooumaž ij leäkku jääʹǩǩtam lääʹjj
• jõs veʹrǧǧneǩ leʹbe veʹrǧǧooumaž ij leäkku tueʹjjääm tuâjas vuõiʹǧǧest
• jõs veʹrǧǧneǩ lij âânnam tuu hueʹneld
• jõs vuâđđ- da ooumažvuõiggâdvuõđ jiâ leäkku teâuddjam.

Tâʹl vuäitak tueʹjjeed ääʹššest kueʹddelm vuõiggâdvuõttäʹššooumže.
Vuäitak särnnad, mii lij šõddâm da mõõn diõtt tõt lij tuu miõlâst puästtad.

Vuõiggâdvuõttäʹššooumaž vuäpp lääǥǥlažvuõđ

Eeʹttiǩ-kååʹdd vuõiggâdvuõttäʹššooumaž vuäpp veʹrǧǧniiʹǩǩi da veʹrǧǧoummui tuâj da tåimmʼmõõžž.

Veʹrǧǧniiʹǩǩin da veʹrǧǧoummuin feʹrttai

• tueʹjjeed tuâjas vuõiʹǧǧest
• jääʹǩǩted tuâjstes lääʹjj
• tieuʹdded õõlǥtemvuõđâs.

Veʹrǧǧneǩ vuäitt leeʹd koontâr leʹbe strooiʹtel

Veʹrǧǧneeʹǩǩ liâ ouddmiârkkân piiđkonttâr, kooʹddi konttâr da tiõrvâsvuõttkõõskõõzz.
Veʹrǧǧoummu liâ ouddmiârkkân pååʹles, uʹčteeʹl vuâđđškooulin leʹbe dåhttar tiõrvâsvuõttkõõskõõzzâst.

Vuõiggâdvuõttäʹššooumaž seuʹrrai jeäʹrben, što meerlai vuâđđvuõiggâdvuõđ da ooumažvuõiggâdvuõđ teâuddje.