Ǥu vuõiggâdvuõttäʹššooumaž tuʹtǩǩad kueʹdlmid, son ǩeäčč še, lij-a vaaldâšm leämmaž pueʹrr.
Pueʹrr vaaldâšm lij juõʹǩǩ oummu vuâđđvuõiggâdvuõtt.
Pukin oummuin lij vuõiggâdvuõtt vuäǯǯad pueʹrr vaaldâšm.

Mii pueʹrr valdšma kooll?

Pueʹrr valdšma kooll, što veʹrǧǧneeʹǩǩ ciʹsttje pukid oummuid vuõiggvuõđmeâldlânji.
Veʹrǧǧneeʹǩǩ feʹrttje leeʹd paaʹrtitem.
Veʹrǧǧniiʹǩǩin feʹrttai še tueʹjjeed tuâjas tärkka da vuõiʹǧǧest, ij-ǥa tuâj õõlǥ peʹštted čuuʹt kuuʹǩǩ.

Pueʹrr valdšma kooll še, što veʹrǧǧneeʹǩǩ vaʹsttee oummui vueʹǩǩšõs kõõččmõõžžid.
Veʹrǧǧneeʹǩǩ kâʹčče što mõõn miõl leäk tâʹl, ǥu äʹšš kuâskk tuu jiijjad.

Veʹrǧǧneeʹǩǩ ouʹdde äʹššneeʹǩǩ mainsted jiijjâs jieʹnnǩiõlâs.
Veʹrǧǧneeʹǩǩ še čiõlǥte veäʹrin, kooi vuâđald sij liâ tueʹjjääm tuʹmmstõõǥǥâs.
Veʹrǧǧneeʹǩǩ še čiõlǥte, mõõn diõtt liâ tueʹjjääm tuʹmmstõõǥǥâs.
Vaaldâšmlääʹǩǩ čiõlǥat lââʹzz pueʹrr valdšmest.