Vuõiggâdvuõttäʹššooumaž tuʹtǩǩad suʹnne puõʹtti kueʹdlmid.
Vuõiggâdvuõttäʹššooumaž vuäitt še tuʹtǩǩeed pannääʹšš,
koon son lij jiõčč vuâmmšam.
Pannääʹšš miârkat ääʹšš, kååʹtt lij kooi-ne naaʹlin
pannvuõiggvuõđmeâldlaž leʹbe puästtad.

Vuõiggâdvuõttäʹššooumaž tueʹjjad še taʹrǩstõõzzid

Vuõiggâdvuõttäʹššooumaž tueʹjjad taʹrǩstõõzzid kattumnalla åårrai stroiʹttlid, sääldatvuuʹdid da konttrid.
Vuõiggâdvuõttäʹššooumže puäʹtte
eeʹjjest mäŋgg doohhat kueʹddelm.

Kattumnalla åårrai strooiʹtel miârkat pääiʹǩ,
koʹst ij piâzz meädda, håʹt-i haaleʹči.
Nåkam liâ ouddmiârkkân tuuʹrm da päärnaipõõrt.

Taʹrǩstõõzzin stroiʹttli aazzi da tuâjjla
vueiʹtte saǥstõõllâd vuõiggâdvuõttäʹššoummuin.
Vuõiggâdvuõttäʹššooumaž ij maainâst järrsid,
mâid suʹnne leät mainstum.

Vuõiggâdvuõttäʹššoummu kansliast tueʹjjeet
juõʹǩǩ eeʹjj pâʹjjel 100 taʹrǩstõõzz.

Eeʹttiǩ-kåʹdd vaalaš vuõiggâdvuõttäʹššoummuid

Lääʹddjânnmest lij õhtt vuõiggâdvuõttäʹššooumaž
da kueʹhtt veäʹǩǩvuõiggâdvuõttäʹššoummu.

Sij tueʹjjee seämma tuâj da
tueʹjjee tuâjeez jiõččânji.
.
Seeʹst pukin on seämma vuõiggâdvuõđ
da väʹlddvuõđ tueʹjjeed tuâjas.
Väʹlddvuõđ da vuõiggâdvuõđ liâ čiõlǥtum lääʹjjest.

Vuõiggâdvuõttäʹššoummu da veäʹǩǩvuõiggâdvuõttäʹššoummuid
vaalaš eeʹttiǩ-kåʹdd.
Sij tueʹjjee tuâjas nellj eeʹjj vuârast.

Vuõiggâdvuõttäʹššooumaž čiõlǥat eeʹttiǩ-kådda juõʹǩǩ eeʹjj,
måkam tuâj son lij tueʹjjääm.
Son õlmstâtt tuâjstes ǩeeʹrj, eeʹǩǩčiõlǥtõõzz.