Tun puávtáh kuoddâliđ ovdâskode riehtiäššiulmui, jis epidah, et virgeomâhâš, virgeolmooš tâi almos pargo tipšoo priivaat tááhu ij lah nuávdittâm laavâ tâi tiävdám kenigâsvuođâidis tâi jis epidah, et vuáđu- já olmoošvuoigâdvuođah iä lah toi tooimâst olášum ääšimiäldásávt.

Lasetiäđuh riehtiäššiulmuu toimâvääldist, kuoddâlem tutkâmist já kuoddâlem čuávumušâin.

Kuoddâliđ puáhtá laavâvuástásii monâttâlmist, ovdâmerkkân:

• toimâvääldi paijeelmoonnâm tâi kuorâttâllâmvääldi puástukevttim
• ääji ääši kieđâvušmist, miärádâs vájugâš vuáđustâllâm, huolâmettumvuotâ, ravvim váilum, äšittes lattim tâi mottoom eres šiev haldâšem vuástásâš monâttâllâm
• vuáđu- já olmoošvuoigâdvuođâi luávkkám

Kuoddâliđ puáhtá ohtuu tâi oovtâst iärásijguin. Kuoddâliđ puáhtá meiddei nube ulmuu peeleest. Nube ulmuu ääšist kuoddâlmân onnum väldikirje .

Kuoddâlem tutkâm lii mávsuttem. Viggâmuš kuoddâlemaašij kieđâvuššâmäigin lii enâmustáá ohtâ ihe. Jis kuoddâlem ij laiđii eidusii tutkâmân, te vástádâs kuoddâlmân adeluvvoo táválávt kuulmâ mánuppaje siste.

Persovntiäđui kieđâvuššâm  (suomâkielân) riehtiäššiulmuu kansliast.