Ovdâskode riehtiäššiulmui puáhtá väldiđ ohtâvuođâ jis eeppid, et virgeomâhâš tâi virgeolmooš ij lah nuávdittâm laavâ tâi tiävdám kenigâsvuođâidis tâi jis kuoddâleijee eeppid, et vuáđu- já olmoošvuoigâdvuođah iä lah olášum olmânáál.

Kuoddâliđ puáhtá ääšist, mii kuáská kuoddâleijei olssis, mut meid nube peeleest tâi oovtâst iärásijguin. Talle kannat lahteđ fáárun väldikirje. Nomâttes kuoddâlmeh iä tutkuu.

Äššitobdee uápásmuvá

Äššitobdee uápásmuvá kuoddâlmân tállân huolâlávt. Jis kuoddâlem vuáđuld lii ovdâmerkkân aggâ epidiđ, et virgeomâhâš lii toimâm laavâvuástásávt tâi kuáridâm kenigâsvuođâidis, te riehtiäššiolmooš piäjá tutkâmuš joton.

Čielgiittâsah já ciälkkámušah

Kuoddâlem tuđhâdijnis riehtiäššiolmooš kulá kuoddâlem čuosâttuv já táttu čielgiittâsâid já ciälkkámušâid virgeomâháin. Sun puáhtá haahâđ lasečielgiittâsâid meerridmáin jieijâs kanslia tärhisteijeid olášuttiđ tutkâmušâid. Táárbu mield sun puáhtá táttuđ meid poolisijn tutkâmiše.

Äššikirjeh láá almoliih

Kuoddâlemäššikirjeh láá táválávt almoliih. Laavâ mield kalga kuittâg toollâđ syeligâsâst ovdâmerkkân kuoddâleijee tiervâsvuotâtilán tâi sosialhiäđoid kyeskee tiäđuid.