Šleđgâhámásii kuoddâlem puáhtá čäälliđ kievrâs tubdâttâttâm maŋa torvoviestâpalvâlus luámáttuvváin.
Šleđgâhámásii kuoddâlem puáhtá čäälliđ meid tubdâttâthánnáá, mut tuše tubdâttâttâm kevtteid puáhtá toimâttiđ syeligâsâst toollâmnáál amnâstuvâid šleđgâpostáin.
Kuoddâliđ puáhtá meid pdf-hámásijn kuoddâlemluámáttuvváin, mon puáhtá tevdim maŋa vuolgâttiđ riehtiäššiulmui kirjepostân, šleđgâpostáin/viestáin tâi pyehtiđ tom persovnlávt riehtiäššiulmuu kanslian.
Nomâttes kuoddâlmeh kirjejuvvojeh, mut toh iä tutkuu.
Riehtiäššiolmooš ij tuuđhâ
- aašijd, moh láá koskân virgeomâháást, peic jis koččâmuš lii ovdâmerkkân ääši kieđâvuššâm ááijánmist tâi virgeulmuu lattiimist
- kuoddâlmijd, moh kyeskih paijeel kyehti ive puárásubboid aššijd, peic jis toos lii eromâš suijâ
Rijjâhámásâš kuoddâlem kalga anneeđ sistees ucemustáá siämmáid ovtâskâstiäđuid, moh láá pdf-hámásii kuoddâlemluámáttuvâst.
Riehtiäššiulmuu kanslia (suomâkielân) ohtâvuotâtiäđuh.
