Vueiʹttveʹted tuejjeed kueʹddelm eeʹttiǩ-kååʹdd vuõiggâdvuõttäʹššooumže, jõs käʹddveʹted, što veʹrǧǧneǩ, veʹrǧǧooumaž leʹbe õõlmâs tuâj håiddai privatt-toiʹmmjeei iʹlla jääʹǩǩtam lääʹjj leʹbe teâuddam õõlǥtummšeez leʹbe jõs käʹddveʹted, što vuâđđ- ja ooumažvuõiggâdvuõđ jiâ leäkku täi tåimmjummšest teâuddjam ääʹššmeâlddsânji.

Lââʹssteâđ vuõiggâdvuõttäʹššoummu tåimmvääʹldest, kueʹddelm tuʹtǩǩummšest da kueʹddelm seuʹrrjummšin.

Kueʹddelm vuäitt tuejjeed lääʹjjvuâsttsaž mõõntõõllmõõžžâst, ouddmiârkkân:

• tåimmvääʹld pâiʹlmõõnnmõš leʹbe tuʹmmjõsvääʹld puästtadâânnmõš
• mâŋŋnummuš ääʹšš ǩiõttʼtõõllmõõžžâst, tuʹmmstõõǥǥ vännas vuâđđõõttmõš, huõlteʹmesvuõtt, vuäʹpstõõzz vääʹn, pannääʹššmeâldlaž jälstõõttmõš leʹbe jeeʹres šiõǥǥ vaaldâšm vuâsttsaž mõõntõõllmõš
• vuâđđ- da ooumažvuõiggâdvuõđi neuʹrrummuš

Kueʹddelm vuäitt tuejjeed õhttu leʹbe õõutsââʹjest jeärrsivuiʹm. Kueʹddelm vuäitt tuejjeed še nuuʹbb peäʹlest. Nuuʹbb ääʹššest tuejjuum kueʹddelm väʹlddǩeʹrjj .

Kueʹddelm tuʹtǩǩummuš lij määustem. Kueʹddelmaaʹšši ǩiõttʼtõõllâmäiʹǧǧtäävtõs lij jäänmõsân õhtt eeʹǩǩ. Jos kueʹddelm ij jååʹđet jiõččveärlaž tuʹtǩǩummša, vasttõs kueʹdlma uuʹdet täujja kooum määnpââʹj määʹttest.

Persoonteâđaiǩiõttʼtõõllmõš  (lääddas) vuõiggâdvuõttäʹššoummu kansliast.