Liâđǥlaž kueʹddelm vuäitt tuejjeed raavâs tobddeem mâŋŋa tuõrvvsaakk-kääzzkõõzzâst åårrai lomaʹǩǩe.
Liâđǥlaž kueʹddelm vuäitt tuejjeed še tobddeeǩani, leša peittast ââʹnnem aunstõõzz vueiʹtet tååimted neʹttpååʹštin tåʹlǩ õõʹnʼnjid, kook tobddâʹtte.
Kueʹddelm vuäitt tuejjeed še pdf- ååʹblkallaš kueʹddelmlomaakkin, koon vuäitt tiuddummuš mâŋŋa vuõltteed vuõiggâdvuõttäʹššooumže ǩeʹrjjpååʹšten, neʹttpååʹštin/ tuõrvvsaaǥǥin leʹbe puʹhtted tõn persoonlânji vuõiggâdvuõttäʹššoummu kansliaaʹje.
Nõõmteʹmes kueʹddelm ǩeeʹrjeet, leša tõid jeäʹt tuʹtǩǩed.
Vuõiggâdvuõttäʹššooumaž ij tuʹtǩǩed
- veʹrǧǧneeʹǩǩest kõõskrääʹjest åårrai aaʹššid, jõs ij kõõččmõš leäkku ouddmiârkkân ääʹšš ǩiõttʼtõõllmõõžž mâŋŋnummšest leʹbe veʹrǧǧneeʹǩǩ jälstõõttmõõžžâst
- kueʹdlmid, kook kueʹsǩǩe pâʹjjel kueʹhtt eeʹjj vuäʹmm aaʹššid, jõs tõõzz ij leäkku jeeʹrab mäinn.
Friijâld tuejjuum kueʹddelm âlgg ââʹnned seʹst uuʹccmõsân seämma tääʹrǩes aaʹššid, kook liâ pdf-ååʹblkallaš kueʹddelmlomaakkâst.
Vuõiggâdvuõttäʹššoummu kanslia (lääddas) õhttvuõđteâđ.
