Eeʹttiǩ-kååʹdd vuõiggâdvuõttäʹššoummu beälla vuäitt jåårǥled ǥu kädd, što veʹrǧǧneǩ leʹbe veʹrǧǧooumaž ij leäkku jääʹǩǩtam lääʹjj leʹbe teâuddam õõlǥtemvuõđeez leʹbe jõs kuõʹddi kädd, što vuâđđ- da ooumažvuõiggâdvuõđ jiâ leäkku teâuddjam ääʹššmeâlddsânji.

Kueʹddelm vuäitt tueʹjjeed jiijjâs kuõskki ääʹššest, leša kueʹddlâʹstted vuäitt še nuuʹbb peäʹlest leʹbe õõutâst järrsivuiʹm. Täʹl lij vääžnai õhtteed mieʹldd väʹlddǩeeʹrj. Nõõmteʹmes kueʹdlmid jeäʹt tuʹtǩǩed.

Äʹšštobddi härjjan

Äʹšštobddi härjjan kueʹdlma tâʹlles tääʹrǩeld. Jõs kueʹddelm vuâđald lij ouddmiârkkân mäinn käʹdded, što veʹrǧǧneǩ lij tåimmam lääʹjjvuâsttsânji leʹbe lij leämmaž huõlteʹmes õõlǥtemvuõđâs peäʹlest, vuõiggâdvuõttäʹššooumaž alttad tuʹtǩǩummuž.

Čiõlǥtõõzz da ciâlkâlm

Kueʹddelm tuʹtǩǩeen vuõiggâdvuõttäʹššooumaž kooll kueʹddelm äʹššpääiʹǩ di räukk čiälǥtõõzzid da ciâlklmid veʹrǧǧniiʹǩǩin. Son vuäitt haʹŋǩǩeed lââʹssčiõlǥtõõzzid mieʹrreeʹl kanslia täʹrǩsteeʹjid tueʹjjeet tuʹtǩǩummšid. Taarbšeen son vuäitt raukkâd še pååʹlsest tuʹtǩǩeemvieʹǩǩ.

Äʹššǩeeʹrj liâ õlmmsaž

Kueʹddelmäʹššǩeeʹrj liâ takainalla õlmmsaž. Lääʹjj mieʹldd âlgg kuuitâǥ ââʹnned peeitast ouddmiârkkân kuõʹddi tiõrvâsvuõttsââʹj leʹbe sosiaalouddõõzzid kuõskki teâđaid.