Julkaistu
5.6.2025 7:21:00

Vuõiggâdvuõttäʹššooumže vuäitt ååʹn raajjâd kuâddõõttmõõžž liâđǥlânji oouʹdab staanjubun. Kuâddõõtti vuäitt ođđ kuâddõõttâmlomaakk pääiʹǩ vuõltteed peeitast ââʹnnem teâđaid da ravvsânji tobddõõđeen vuäǯǯad še räʹtǩǩõõzz staansaakkan  jiijjâs neʹttpååšta krååʹma, što taarbšeʹči tobddõõttâd jeäʹrben vuõiggâdvuõttäʹššoummu kansliâst.

Oođummuš mieʹtt liâđǥlaž kuâddõõttâmlomaakk liâ sirddum staansaakk-kääzzkõʹsse. Vaajtõsmäinnan lij lââʹzztum raavâs tobddõõttmõš, kååʹtt toiʹmmai Suomi.fi -tobddõõttâm pääiʹǩ. Nääiʹt vueiʹtte ainsmâʹtted kuâddõõtti persoonvuõđ vueʹjjin, koin äʹššǩeeʹrj siiʹsǩee peeitast ââʹnnem teâđaid. Oođummšin šeäʹštte kuulid da luâđ, ǥu põʹmmaiâânnmõš miârkteeʹjen occan. 

Liâđǥlaž lomaakk õõʹnni kuâddõõtti vuäitt kuâddõõttmõõžž raajjâm mâŋŋa ruõkkâd leʹbe priʹnttjed kuâddõõttmõõžž jiõcces pdf-ååʹblǩest. Lomaakk ij taarbaš raukkâd jeäʹrben vuõiggâdvuõttäʹššoummu kansliâst.

Oođõõttmõõžžâst päärna  da nuõr liâ valddum lokku nuʹtt, što siʹjjid puõttlõsttum liâđǥlaž kuâđđõõttâmlomaakk liâ lääddas, ruõccâs, pukin sääʹmǩiõlin de eŋgglõsǩiõllân.    

Vuõiggâdvuõttäʹššooumže vuäitt ooudâs kuâddõõttâd še ǩeeʹrjin, neʹttpååʹštin leʹbe tååimteeʹl kuâddõõttmõõžž jiõčč vuõiggâdvuõttäʹššoummu kansliʹaaje.

Tobddõõttâm õhttvuõđâst tiuddâkksaž ooumže, kook jiâ veâl ââʹn Suomi.fi- saaǥǥid, puätt auʹǯǯjummuš väʹldded Suomi.fi-saaǥǥid âânnmõʹšše. Liâđǥlaž kuâddõõttâmlomaakk âânnmõš ij oudldâst Suomi.fi-saaǥǥid õnnuvälddmõõžž, ij-ga kääzzkõs leäkku veâl vuõiggâdvuõttäʹššoummu kanslia âânnmõõžžâst. Õnnuvälddmõõžž vuäitt haaʹleʹmmen mõõnnâd rääi da juäʹtǩǩed tobddõõttmõõžž takainalla.