Muuʹšt teâtt-tuõrvv
Liâdǥlânji tueʹjjuum kueʹddelm mâânn äävnallšem teâttneeʹtt pääiʹǩ.
Peeitast ââʹnnem leʹbe muđoi äʹrǧǧluândlaž teâđaid ij âʹte leäkku staani vuõltteed takai neʹttpååʹšten, neʹttlomakkin leʹbe tõn meâlddõssân.
Näkam liâ ouddmiârkkân teâđ, kook kueʹsǩǩe:
- puåttjid, vääʹrkõsvuõđ leʹbe piiđtummuž
- tiõrvâsvuõttsââʹj
- reâuggpââʹstʼteʹmesvuõttjeältõõǥǥ
- sosiaalhuâl äʹššneǩvuõđ
- pååʹmhkoʹrvvõõzzid
- huõđđu välddmõõžž leʹbe tuʹrmmšeǩvuõđ.
Tååimteʹǩed täid teâđaid seʹst õõʹnni meâlddõõzzid suõjjuum õhttvuõđ pääiʹǩ leʹbe pååʹšt mieʹldd, håʹt-i tueʹjjeʹčiǩ kueʹddelm neʹttlomaakk veäkka.
Suõjjuum õhttvuõtt
Vuõiggâdvuõttäʹššoummu kansliaaʹje vuäitt vuõltteed suõjjuum neʹttpååʹšt eeʹttiǩ-kååʹdd tuõrvvsaaǥǥ pääiʹǩ.
Suõjjuum õhttvuõtt:
https://turvaviesti.eduskunta.fi
Meärkkad vuâsttaväʹlddjen:
oikeusasiamies@eduskunta.fi ǨEEʹRJET ADDRÕÕZZ MUŠTTU, tõt ij leäkku nuuʹbb vuâra neʹttpååʹštest.
Äʹrǧǧluândlaž leʹbe peeitast ââʹnnemvuâla teâđaid seʹst õõʹnni saaǥǥ vuõlttummuš lij lääʹjj mieʹldd vuõltteei vasttõsvuõđin (lääʹǩǩ liâdǥlaž äʹššummšest veʹrǧǧneǩtåimmʼmõõžžâst 8 §, 13/2003).
