Julkaistu
5.6.2025 7:21:00

Riekteáššeolbmui sáhttá dál dahkat guoddaleami elektrovnnalaččat ain dorvvoleappot. Guoddaleaddji sáhttá ođđa guoddalanskovi bokte sáddet suollemassan dollojuvvon dieđuid ja nana identitehta duođašteami bokte oažžut maiddái čovdosa dorvodieđuin iežas šleađgapostii almmá, ahte son dárbbaša duođaštit identitehtas sierrá riekteáššeolbmo kansliijas. 

Ođastusa mielde elektrovnnalaš guoddalanskovit leat sirdojuvvon dorvodiehtobálvalussii. Molssaeaktun lea lasihuvvo nana identitehta duođašteapmi, mii doaibmá Suomi.fi-identitehta duođaštemiin. Ná sáhttá sihkkarastit guoddaleaddji identitehta diliin, main áššegirjjit sisttisdollet suollemassan dollojuvvon dieđu. Ođastusain seastit goluid ja luonddu, go bábergolahus geahppána čielgasit.

Elektrovnnalaš skovi ávkkástallan guoddaleaddji sáhttá guoddaleami dagadettiin vurket dahje čálihit guoddaleami alccesis pdf-hámis. Skovi ii dárbbaš bivdit sierra riekteáššeolbmo kansliijas.

Ođastusas mánát ja nuorat leat váldon vuhtii nu, ahte sidjiide oaivvilduvvon elektrovnnalaš guoddalanskovit leat gávdnomis suoma-, ruoŧagillii, buot sámegillii ja eŋgelasgillii.

Riekteáššeolbmui sáhttá ain guoddalit maiddái reivviin, šleađgapoasttain dahje doaimmahemiin guoddaleami persovnnalaččat riekteáššeolbmo kansliijai. 

Identitehta duođašteami oktavuođas dievasahkásaš olbmui, guhte ii vel geavat Suomi-fi-dieđuid, boahtá ávžžuhus váldit Suomi-fi-dieđuid atnui. Elektrovnnalaš guoddalanskovi geavaheapmi ii gáibit Suomi.fi-dieđuid atnui váldima, iige bálvalus leat dássážii riekteáššeolbmo kansliija anus. Atnuiváldima sáhttá háliidettiin njuiket badjel ja joatkit identitehta duođašteami dábálaččat. tunnistautumista normaalisti.