Riikkabeivviid vuoigatvuođaáššeolbmui sáhttá dorvvastit, go eahpida, ahte virgeoapmahaš dahje virgeolmmoš ii leat čuvvon lága dahje deavdán geatnegasvuođaidis dahje guoddaleaddji eahpida, ahte vuođđo- ja olmmošvuoigatvuođat eai leat ollašuvvan áššáigullevaččat.

Guoddaleami sáhttá dahkat alcces guoski áššis, muhto guoddaleami sáhttá dahkat maiddái nuppi olbmo beales dahje ovttas eará olbmuiguin. Dalle mielde gánnáha laktit fápmudusa. Namahis guoddaleamit eai dutkojuvvo.

Áššedovdi oahppašuvvá

Áššedovdi oahppašuvvá guoddaleapmái dalán fuolalaččat. Juos guoddaleami vuođul šaddá ovdamearkka dihtii eahpádus, ahte virgeoapmahaš lea doaibman lága vuostásaččat dahje hilggodan geatnegasvuođaidis, vuoigatvuođaáššeolmmoš vuolggaha dutkama.

Čielggadeamit ja cealkámušat

Guoddaleami dutkkadettiinis vuoigatvuođaáššeolmmoš gullá guoddaleami čuozáhaga ja bivdá čielggademiid ja cealkámušaid virgeoapmahaččain. Son sáhttá háhkat lassičielggademiid mearridemiin iežas kansliija dárkkisteaddjiid dahkat dutkamušaid. Dárbbu mielde son sáhttá bivdit maiddái bolesis dutkanveahki.

Áššegirjjit leat almmolaččat

Guoddalanáššegirjjit leat dábálaččat almmolaččat. Lága mielde suollemassan ferte doallat ovdamearkka dihtii guoddaleaddji dearvvašvuođadillái dahje sosiálaovdui guoski dieđuid.