Sáhttibehtet guoddalit riikkabeivviid vuoigatvuođaáššeolbmui, jus eahpidehpet, ahte virgeoapmahaš, virgeolmmoš dahje almmolaš barggu priváhtta oassebealli ii leat čuvvon lága dahje deavdán geatnegasvuođaidis dahje jus eahpidehpet, ahte vuođđo- ja olmmošvuoigatvuođat eai leat dáid doaimmain ollašuvvan áššáigullevaččat.

Lassidieđut vuoigatvuođaáššeolbmo doaibmaválddis, guoddaleami dutkamis ja guoddaleami čuovvumušain gávdnojit dáppe.

Guoddalit sáhttá lágavuostásaš meannudeamis, ovdamearkka dihtii:

• doaibmaválddi rasttildeapmi dahje vihkkedallanválddi boastutgeavaheapmi
• ájiheapmi ášši gieđahallamis, mearrádusa váilevaš ákkastallan, fuollameahttunvuohta, rávvema váili, eahpeáššálaš láhtten dahje eará buorre hálddahusa vuostásaš meannudeapmi
• vuođđo- ja olmmošvuoigatvuođaid loavkideapmi

Guoddalit sáhttá okto dahje ovttas earáiguin. Guoddalit sáhttá maiddái nuppi olbmo beales. Nuppi olbmo áššis guoddaleami fápmudus  gávdno dáppe.

Guoddaleami dutkan lea nuvttá. Guoddalemiid gieđahallamii figget geavahit eanemustá ovtta jagi. Jus guoddaleapmi ii dagat dutkama, vástádus guoddaleapmái addojuvvo dávjjimusat golmma mánotbaji siste.

Persovdnadieđuid gieđahallan  (suomagillii) vuoigatvuođaáššeolbmo kansliijas.