Sáhtát váidit vuoigatvuođaáššeolbmui, juos virgeoapmahaš dahje virgeolmmoš lea du mielas rihkkon lága dahje guođđán deavddekeahttá geatnegasvuođa. 

Vuoigatvuođaáššeolbmo gohcima vuollái gullet earáge orgánat dalle, go dat dikšot almmolaš barggu.

Vuoigatvuođaáššeolmmoš dutká váidaga, juos dan vuođul lea sivva eahpidit, ahte virgeoapmahaš lea doaibman lágavuostásaččat.

Ovdal váidima

Ovdal váidima gánneha máŋgga ášši buohta váldit oktavuođa vuos njuolgga dan virgeoapmahažžii, guhte lea du mielas doaibman lágavuostásaččat. Problema sáhttá čoavdašuvvat johtilit juo ná.

Váidaga bargamis sáhtát ságastallat ovddalgihtii kansliija gohcci láhkaalbmáin. Gávnnat su riikkabeivviid telefonguovddáža bokte, tel (09) 4321.

Maid vuoigatvuođaáššeolmmoš ii dutkka ?

Vuoigatvuođaáššeolmmoš ii sáhte dutkat váidagiid, mat gusket riikkabeivviid láhkaásaheaddjin, riikkabeailahtuid dahje vuoigatvuođakánslera. Maiddái ideologalaš searvvit, báŋkkut, fitnodagat dahje visteoasussearvvit ja priváhta ámmáthárjeheaddjit dahje priváhtaolbmot eai gula su gohcima vuollái.

Vuoigatvuođaáššeolmmoš ii dábálaččat dutkka váidagiid badjel guotte jagi boares áššiin iige dakkár áššiid, mat leat gieđahallamis duopmostuolus dahje eará virgeoapmahaččas.

Vuoigatvuođaáššeolmmoš ii sáhte nuppástuhttit dahje gomihit duopmostuoluid dahje eará virgeoapmahaččaid čovdosiid iige mearridit máksinláhkai vahátbuhtadusaid.

Mo deavddán váidinskovi?

Deavdde násttiin merkejuvvon buot čuoggáid skovis. Vuođustala, manin doalat meannudeami lágavuostásažžan.

Sáhtát laktit váidagii maiddái mearrádusaid ja áššebáhpáriid, mat dorjot váidaga. Juos du váidda guoská virgeoapmahačča mearrádusa, lavtte dan dahje das kopiija váidagii. Mildosat máhcahuvvojit Dutnje maŋŋá.

Elektrihkalaš váidinskovi fárus sáhtát sáddet eanemustá golbma mildosa. Mildosiid sáhtát sáddet maiddái šleađgapoastan čujuhussii eoa-kirjaamo@eduskunta.fi dahje poastta fáro čujuhussii Vuoigatvuođaáššeolbmo kansliija, 00102 Riikkabeaivvit. 

Váldde vuhtii diehtodorvvu

Elektrihkalaččat dahkkon váidda manná vuoigatvuođaáššeolbmo kansliijai rabas diehtofierpmi bokte. Fierbmái laktásit diehtodorvoproblemat das fuolakeahttá, vaikke riikkabeaivvit ja vuoigatvuođaáššeolbmo kansliija leat iežaset buohta fuolahan šleađgapoastavuogádaga diehtodorvvus.

Dan sivas čiegusin dárkkuhuvvon dahje muđui hearkkeslunddot dieđuid ii leat sivva sáddet šleađgapoasttain dahje elektrihkalaš váidinskoviin. Dakkár dieđut leat ovdamearkan dieđut boađuin, opmodagas, vearuhusas, dearvvasvuođas, bargonávccahisvuođaealáhagas, sosiálafuolahusa áššehasvuođas, vahátbuhtádusain, giddemis dahje fáŋgavuođas.

Doaimmat dáid dieđuid sisttisdoalli mildosiid ovdamearkan poastta fáro, vaikke dagašitge váidaga elektrihkalaččat.
 

Hearkkeslunddot dahje čiegusin dárkkuhuvvon dieđuid sádden lea lága mielde sáddejeaddji vásttus (láhka elektrihkalaš áššiiddikšumis virgeoapmahašdoaimmas 8 § 13/2003).

Váidinskovvi

Sáhtát maiddái čállit váidaga vuos teavsttagieđahallanprográmmain ja kopieret dan dasto (Ctrl+c, Ctrl+v) skovi gittiide.

Ná sihkkarasttát, ahte oktavuohta ii boatkan gaskan čállima.

 
* = Bákkolaš sajit ruoagillii ja sámegillii
------------------------------------------------------------
Liitetiedostojen yhteenlaskettu koko on liian suuri.

Oktavuohtadiedut

Kenttä on pakollinen.
Kenttä on pakollinen.
Kenttä on pakollinen.
Poastadoaibmabáiki on viisi numeroa
Kenttä on pakollinen.
Kenttä on pakollinen.

Váidindiedut:

Kenttä on pakollinen.
Kenttä on pakollinen.
Kenttä on pakollinen.
Kenttä on pakollinen.

Čuovusfiillat

Lasit čuovusfiilla. Lobálaš gehčosat leat .pdf, .doc, .txt, .jpg, .odt: